लमजुङ प्रहरीले लागूऔषधसहित एक फरार प्रतिवादी पक्राउ गरेको छ । पक्राउ पर्नेमा दोर्दी गाउँपालिका–५ पाचोकका रोल्के भन्ने डिलराज गुरुङ रहेको जिल्ला प्रहरी कार्यालय लमजुङका सूचना अधिकारी एवं प्रहरी निरीक्षक जगदीश रेग्मीले जानकारी दिए । 

चोरी मुद्दामा दुई वर्ष अगाडि फरार रहेका २९ वर्षीय गुरुङलाई प्रहरीले सुन्दरबजार नगरपालिका वडा नम्बर ९ भोटेओडारस्थित नयाँ बजारबाट पक्राउ गरेको हो । लागूऔषध गाँजा लिई हिँडेको भन्ने विशेष सुराकको आधारमा इलाका प्रहरी कार्यालय भोटेवडारबाट खटिएको प्रहरी टोलीले गुरुङलाई पक्राउ गरेको हो । सुन्दरबजार–९ धारापानीमा बस्दै आएका गुरुङको साथबाट प्रहरीले १० वटा पोका पारी राखेको ५ सय १५ ग्राम गाँजा बरामद गरेको छ ।

प्रहरी नियन्त्रणमा रहेका गुरुङलाई २४ गते शुक्रबार लमजुङ जिल्ला अदालतबाट सात दिन म्याद थप गरी लागूऔषध (गाँजा) मुद्दामा अनुसन्धान अघि बढाइएको जिल्ला प्रहरी कार्यालयले जनाएको छ । प्रतिवादी गुरुङ चोरी मुद्दामा दुई वर्ष फरार रहेका थिए । चोरी मुद्दामा अदालतको फैसला अनुसार निजले दुई महिना कैद र दुई हजार रुपैयाँ जरिवाना भुक्तान बाँकी रहेको लमजुङका प्रहरी प्रमुख एवं प्रहरी नायव उपरीक्षक प्रकाश श्रीमलले बताए ।

• 
• 
• 
• • • धेरै कमेन्ट गरिएका
  • दुइ महिना अवधीको फुटबल खेल प्रशिक्षण शुरु
  • नेपाल–चीन सीमा क्षेत्रको बाढीमा परेकाहरूको उद्धारमा खटि...
  • मिक्लाजुङमा वार्षिक योजना तर्जुमाका लागि सुझाब संकलन
  • कर्मचारीहरुको मैत्री पुर्ण खेलामा मिक्लाजुङ बिजयी
  • बक्राहा माविलाई नमुना विद्यालय बनाउन शंकर बजगाईँको पहल
  • बृहत निःशुल्क स्वास्थ्य शिवीर सम्पन्न
  • करदाता शिक्षा तालिम सम्पन्न
  • शिक्षकहरु द्धार पालिकमा धर्ना
  • जङ्गल कटान गर्ने सहमति नजुट्दै जग्गाधनीद्वारा रोक