मधुमल्ला, मोरङ /रसुवा, नुवाकोट, धादिङ, गोर्खा तथा चितवन क्षेत्रमा आएको प्राकृतिक विपद्बाट भएको जनधनको क्षतिप्रति मिक्लाजुङ गाउँपालिकाले दुःख व्यक्त गर्दै प्रभावित परिवारप्रति समवेदना प्रकट गरेको छ।

गाउँपालिकाले एक विज्ञप्ति जारी गर्दै विपद्बाट प्रभावित नागरिकको जीवनरक्षा, उद्धार, राहत तथा पुनःस्थापनालाई पहिलो प्राथमिकतामा राखी आवश्यक सहयोग र समन्वय गर्न सम्बन्धित निकायलाई आग्रह गरेको छ। साथै जोखिमयुक्त स्थानमा रहेका नागरिकलाई सुरक्षित स्थानमा स्थानान्तरण गर्न तथा सम्भावित थप क्षतिबाट जोगिन आवश्यक सतर्कता अपनाउन गाउँपालिकाले अनुरोध गरेको छ।

विपद्को यस कठिन घडीमा प्रभावित नागरिकप्रति ऐक्यबद्धता जनाउँदै मिक्लाजुङ गाउँपालिकाका जनप्रतिनिधिले आफ्नो सुविधाबाट ७ दिन बराबरको रकम सहयोग गर्ने निर्णय गरेको छ। त्यस्तै गाउँपालिका तथा मातहतका कार्यालयमा कार्यरत अधिकृतस्तरका कर्मचारीबाट ७ दिन, सहायकस्तरका कर्मचारीबाट ५ दिन तथा सहयोगी एवं श्रेणीविहीन कर्मचारीबाट ३ दिन बराबरको तलब सहयोग गर्ने निर्णय गरिएको गाउँपालिकाले जनाएको छ।

यसैगरी गाउँपालिकाअन्तर्गतका सम्पूर्ण सामुदायिक विद्यालयका शिक्षकहरूबाट १ दिनको तलब बराबरको रकम प्रधानमन्त्री दैवी प्रकोप उद्धार कोषमा सहयोग गर्ने प्रतिबद्धता व्यक्त गरिएको छ।

गाउँपालिकाले नेपाल सरकार, प्रदेश सरकार, स्थानीय तह, सुरक्षा निकाय, नागरिक समाज, गैरसरकारी संघ–संस्था तथा सम्पूर्ण सहयोगी हातहरूलाई उद्धार, राहत तथा पुनःस्थापनाको कार्यमा एकजुट भएर सहयोग गर्न हार्दिक अपिल गरेको छ।

प्राकृतिक विपद्को समयमा जोखिमयुक्त क्षेत्रमा रहेका नागरिकलाई तत्काल सुरक्षित स्थानमा सर्न, सम्भावित थप जोखिमप्रति सचेत रहन र स्थानीय प्रशासनको निर्देशन पालना गर्नसमेत गाउँपालिकाले आग्रह गरेको छ

• 
• 
• 
• • • धेरै कमेन्ट गरिएका
  • जनताको आँगनमै आशा बोकेर पुगेका खड्ग फागोको अभियानले मत...
  • उर्लाबारी क्याम्पस, स्ववियु निर्वाचनः सभापतिमा कार्की र...
  • मिक्लाजुङ गाउँपालिकाको नुनसरी रचना कलिदह सिचाइ आयोजना प...
  • प्रथम उपाध्यक्ष भलिबल प्रतियोगिता को उपाधि मिक्लाजुङ १...
  • मायाको बारीमा प्रीति को फूलहरू सङ्गाली राखेको कुसुमे रु...
  • एमाले कोशी प्रदेश अध्यक्ष खतिवडा भन्छन्, ‘इमान र निष्ठा...
  • प्रयोगशाला सेवा शुभारम्भ तथा स्वास्थ्य शिबिर सम्पन्न
  • उद्घाटन खेलमा वडा नं. २ बिजयी सेमीफाइनल प्रवेश
  • शिक्षामा लगानी बिषयक अन्र्तकृया कार्यक्रम सम्पन्न