उर्लाबारी वाणिज्य संघको महासचिवमा टीका भट्टराईको चर्चा

NayaNaya Khabar
679 दिन अगाडि

आगामी भदौ ८ र ९ गते हुन लागेको उर्लाबारी उद्योग वाणिज्य संघको ३६ औँ चुनावी साधारण सभामा उर्लाबारीका युवा व्यवसायी टीकाप्रसाद भट्टराई उर्फ भाईटिकाले महासचिवमा आफ्नो उम्मेद्वारी प्रस्तुत गरेका छन् ।

उर्लाबारीका उत्साहित जागरुक युवा व्यक्तित्वको रुपमा परिचित भाइटिकाको उम्मेदवारी घोषणाले उर्लाबारीमा उत्साह छाएको छ।

उर्लाबारीमा भाईटीका कुनै नौलो नाम होईन । उर्लाबारीमा सार्वजनिक चासोको विषयलगायत विभिन्न विकृती र विसंगतिविरुद्ध खरो रुपमा प्रस्तुत हुदै आएका भट्टराई यसपटक वाणिज्य संघमा नतिजामुखी काम गर्न चाहेको बताउछन् ।

युवादेखि वृद्धसम्म, फुटपाथका साना व्यापारीदेखि ठुलासम्म उत्तिकै चर्चित र लोकप्रिय देखिएका भट्टराईको उम्मेद्वारी प्रतिष्ठाको विषय बनेको छ।

भाद्र ९ गते हुने उर्लाबारी उद्योग वाणिज्य संघको ३६औं चुनावी सभामा भट्टराईले महासचिव पदमा उठ्ने घोषणा गरेसँगै व्यापारी र व्यवसायी वृत्तमा चर्चा र उत्साह छाएको हो।

प्रेमा कन्स्ट्रक्सन एवं सप्लायर्सका संचालक भट्टराईसँग उर्लाबारी जेसीज र भिजन फाउन्डेसनको महासचिवलगायत दर्जन बढी सामाजिक संघसंस्थामा काम गरेको कार्यअनुभव छ।

व्यापारिक भिजन र मिसनप्रति दख्खल भएका भाईटिकाको सञ्चार माध्यमदेखि सामाजिक सन्जाल भरी चर्चा चुलिदो छ।

संघलाई प्रविधिमैत्री बनाउने, सबै प्रकारका व्यापारिको साझा संस्था बनाउने, अधुरा कामलाई पूरा गर्ने, व्यापारिले भोग्दै आएका समस्या र सास्तीको अन्त्य गर्ने, समयानुकूल तालिम, प्रशिक्षण, अवलोकन गर्ने गराउने, पुराना व्यवसायीलाई सम्मान र नयाँलाई प्रोत्साहन गर्ने लगायतका रचनात्मक कार्य गर्ने उनको योजना रहेको छ ।

१ हजार ७ सय ५ जना सकृय सदस्य रहेको उर्लाबारी उद्योग वाणिज्य संघको ३६औँ साधारण सभा आगामी भदौ ८ गते हुनेछ । यस्तै संघको निर्वाचन भने भदौ ९ गते हुने बताईएको छ । यसपटक निर्वाचनमा १ हजार २ सय १२ जनाले मात्र मतदानको अधिकार पाउनेछन् ।