किशाेर निराैला 
 मधुमल्ला ÷ मोरङको मिक्लाजुङ गाउँपालिकामा शनिबार बाट तेस्रो राष्ट्रपति रनिङ शिल्ड प्रतियोगिता २०७९ शुरु भएको छ । राष्ट्रपति रनिङ शिल्ड प्रतियोगिताको उद्घाटन अतिथिहरू लाई दौड गराएर गरिएको थियो । साथै मिक्लाजुङ गाउँपालिका क्षेत्रका सामुदायिक र संस्थागत विद्यालयहरूले मार्च पास गरेका थिए ।  राष्ट्रपति रनिङ शिल्ड प्रतियोगिता उद्घाटन कार्यक्रमलाई सम्बोधन गर्दै कार्यक्रमका प्रमुख अतीथि मोरङ क्षेत्र नं. १ का संघीय संसद् डिक बहादुर लिम्बुले स्वास्थ्यका लागि खेल अति महत्वपूर्ण भएको र त्यसमा पनि विद्यालय स्तरमा अध्ययनरत विद्यार्थीहरूको चौतर्फी विकासका लागि राष्ट्रपति रनिङ शिल्ड प्रतियोगिताले मुख्य भूमिका खेल्ने बताउनु भयो । साथै मिक्लाजुङमा राष्ट्रपति रनिङ शिल्ड प्रतियोगिता सभ्य र भव्य रुपमा सम्पन होस भन्ने शुभकामना व्यक्त गर्नु भयो । 
 कार्यक्रमलाई सम्बोधन गर्दै कार्यक्रमका सभापति मिक्लाजुङ गाउँपालिका अध्यक्ष बबी कुमार राईले राष्ट्रपति रनिङ शिल्ड प्रतियोगीले विद्यालय स्तरमा अध्ययन गर्ने विद्यार्थीहरूका लागी विभिन्न विद्यामा प्रतिभा प्रष्फुटन गराउने एउटा सुनौलो अवसर भएको र यसलाई निरन्तर अगाडि बढाउदै जाने बताउनु भयो । 
 कार्यक्रममा मिक्लाजुङ गाउँपालिका उपाध्यक्ष दिनेश पौडेलले स्वागत मन्तव्य राख्नु भएको थियो । कार्यक्रमलाई नेकपा माओवादी केन्द्रका मिक्लाजुङ अध्यक्ष उमेश राई, नेपाली कांग्रेस मिक्लाजुङ सभापति खगेन्द्र मादेन, मिक्लाजुङ गाउँपालिका वडा नं. १ का वडाध्यक्ष पर्वत राई , मिक्लाजुङ गाउँपालिका प्रमुख प्रशासकीय अधिकृत डम्बरू बल्लभ बरालले शुभकामना मन्तव्य राख्नु भएको थियो ।  राष्ट्रपति रनिङ शिल्ड प्रतियोगिता फागुन ६ गते बाट ८  गते सम्म सञ्चालक हुने छ ।

• 
• 
• 
• • • धेरै कमेन्ट गरिएका
  • वडा नं. २ अध्यक्ष कप फुटबल प्रतियोगिताको फाइनलमा
  • प्लम्बिङ तालिम शुरु
  • मोरङ को मिक्लाजुङम पनि आजदेखि हातिपाईले रोगविरुद्ध औषध...
  • करदाता शिक्षा तालिम सम्पन्न
  • दाउले हानेर काकाको हत्या
  • पत्रकारिताको दायित्वसँगै मानव सेवा कार्य गर्दै आएका छन्...
  • राेजगार तथा मानव बेचबिखन सम्बन्धि १ दिने छलफल सम्प...
  • मोरङको मिक्लाजुङ गाउँपालिका वडा नं. २ मा पर्ने जंगलभित्...
  • वन कार्यालयकै संलग्नतामा सामूदायिक वनको काठ तस्करी !