मधुमल्ला । मोरङ जिल्लाको मिक्लाजुङ गाउँपालिका–९ स्थित मधुमल्ला बजारमा रहेको राष्ट्रिय वाणिज्य बैंक शाखा कार्यालयले आफ्नो स्थापनाको ६१औँ वार्षिकोत्सवको अवसरमा विशेष कार्यक्रम सम्पन्न गरेको छ।
आज आयोजित कार्यक्रममा बैंकले विभिन्न क्षेत्रबाट योगदान पुर्‍याएका पाँच जना ग्राहक तथा उद्यमीलाई सम्मान गरेको छ। सम्मानित हुनेहरूमा महिला उद्यमी रेबिका टेलर्स, निक्षेप तथा कर्जा ग्राहक निर्मल सिद्धार्थ इङ्लिस स्कुल, गंगा प्रसाद पौडेल, टीका माया श्रेष्ठ तथा डिजिटल कारोबार गर्ने ग्राहक गजेन्द्र श्रेष्ठ रहेका छन्। उनीहरूलाई सम्मानपत्र प्रदान गर्दै सम्मान गरिएको शाखा प्रमुख सागरराज धामीले जानकारी दिनुभयो।
कार्यक्रमका प्रमुख अतिथि मिक्लाजुङ गाउँपालिका–९ का वडा अध्यक्ष सेमन्तराज दाहालले बैंकिङ सेवा स्थानीय तहमा मात्र सीमित नराखी प्रत्येक वडा–वडासम्म विस्तार हुनुपर्ने आवश्यकता औँल्याउनुभयो। उहाँले नेपाल राष्ट्र बैंकको निर्देशनअनुसार विपन्न वर्ग, उत्पादनशील क्षेत्र, पूर्वाधार विकास तथा युवा स्वरोजगारका क्षेत्रमा प्राथमिकताका साथ कर्जा लगानी गर्न बैंकहरूले विशेष ध्यान दिनुपर्नेमा जोड दिनुभयो।
कार्यक्रममा विशिष्ट अतिथिका रूपमा मिक्लाजुङ वाणिज्य संघका सचिव अमृत श्रेष्ठ, कालिका माध्यमिक विद्यालयका प्रधानाध्यापक मातृका प्रसाद नैपाने तथा मिक्लाजुङ क्याम्पसका क्याम्पस प्रमुख गणेश बरालको उपस्थिति रहेको थियो।

• 
• 
• 
• • • धेरै कमेन्ट गरिएका
  • मिक्लाजुङको बजेट ७७ करोड ५० लाख ७५ हजार पाँच सय
  • कर्फ्युपछि नेपालगञ्ज शान्त
  • निःशुल्क माटो परिक्षण शिविर सम्पन्न
  • जापानका सांसद कुबोटा बीच भेटवार्ता
  • समाजसेबामा अब्बल अजय अग्रबाल
  • हेल्लो नेता जी
  • कुल बजेटको ३१ प्रतिशत हिस्सा आन्तरिक स्रोतबाट व्यबस्था...
  • मायाको बारीमा प्रीति को फूलहरू सङ्गाली राखेको कुसुमे रु...
  • वडा नं. २ द्धारा तेस्रो अध्यक्ष कप फुटबल प्रतियोगिता २०...