एकै बर्षमा खरिदार देखी शाखा अधिकृत सम्मकाे सफलता

NayaNaya Khabar
34 दिन अगाडि

असाेज १४,मधुमल्ला/ भनिन्छ कुनै पनि काममा निरन्तर प्रयास गरे अवश्य सफलताको शिखर चुम्नु सकिन्छ । यो भनाइलाई चरितार्थ पार्नु भएको छ मोरङ मिक्लाजुङ गाउँपालिका वडा नं ९ का बिमलचन्द्र थापाले । थापाले लोक सेवा आयोगले सञ्चालन गरेको परीक्षामा एक बर्स भित्रमा ३ वटा पदमा नाम निकाल्न सफल बन्नु भयो । थापा २०७९ सल असोज १४ गते लोकसेवा आयोगले प्रकाशन गरेको खरिदार तहको परीक्षामा एक नं मा नियुक्ति हुँदै सरकारी सेवा प्रवेश गर्नु भयो । नियुक्ति भएको दुई महिना नबित्दै थापा फेरि लोकसेवा आयोगले सञ्चालन गरेको नायब सुब्बा पदको परीक्षामा २०७९ मंसिर १० गते एक नं मा नियुक्ति हनु भयो ।

थपाकाे सफलता यतिमा मfत्र रोकिएन एक पछि अर्को सफलता हात पार्दै आउन भएका बिमलचन्द्र थापा २०८० असोज ९ गते लोकसेवा आयोगले निकालेको शाखा अधिकृत लेखा समूह तर्फ नतिजामा बिएटि- ३७ शाखा अधिकृत तहमा नाम निकाल्दै एक बर्से परिक्षण काल पूरा सँगै थापाले नेपालमा निजामती सेवामा शाखा अधिकृत बन्ने चाहना समेत पूरा भयो ।

थापाकाे लाेकसेवामा प्रवेश गर्ने मोह भने २०७६ साल बाट नै शुरु भएको हाे । २०७६ साल सहपाठी मित्र उपेन्द्र पौडेलले निजामती सेवा तर्फको बाटाे देखाएकाे बताउनु हुन्छ र २०७६ सलामा नै पहिलो पटक परीक्षामा स्थानीय सेवामा वैकल्पिक एक नं मा पर्नुभएका थापा २०७८ काे नायब सुब्बाको परीक्षामा समेत एक नं वैकल्पिकमा पर्नु भएको थियो । निरन्तर वैकल्पिक एक नं मा पर्नु भएका थापा संयोग नै मान्नु पर्छ २०७९ सालमा खरिदार र नायब सुब्बामा भने एक नं मा नै नियुक्ति हुनु भयाे ।

लाेकसेवामा सफलता कसरी हात पार्न सकिन्छ भन्ने हाम्रो प्रश्नमा थापा भन्नुहुन्छ दृढ इच्छा शक्ति , पढाइ प्रतिको रूचि र निरन्तर समय सापेक्ष अभ्यास गरे सफलता प्राप्त गर्न सकिने थापा बताउनु हुन्छ । सरकारी सेवा लाेकसेवा प्रवेश गर्न चाहने विद्यार्थीहरूका लागि मोरङ मिक्लाजुङका बिमल चन्द्र थाप एक उदाहरणीय व्यक्ति हुनुहुन्छ ।