भारतले बिहारको सुपौल जिल्लामा कोशी नदीमा निर्माण गरिरहेको पुलको एक भाग भत्किँदा एकजना मजदुरको मृत्यु भएको छ। उक्त क्षेत्र नेपाल भारत सीमाबाट करिब ७० किलोमिटर दक्षिणमा पर्छ। शुक्रवार बिहान उक्त पुल भाँचिँदा १० जना कामदार घाइते भएका थिए। यहाँ पुल बनेपछि बिहारको मधुबनी र सुपौलबीचको दूरी करिब ३० किलोमिटरले घट्ने अपेक्षा गरिएको छ। यहाँ हिउँदमा बाँसको पुल बनाएर मानिसहरू कोशी नदी पार गर्छन्। बर्खामा मानिसहरू डुङ्गाबाट नदी तर्न बाध्य छन्। 

प्राविधिक समस्या या लापरबाही

घटनास्थलमा भाँचिएको पुलको संरचनामुनि एउटा निर्माण सामग्री ओसार्ने गाडी भेटिएको छ।  गाडी र भत्किएको संरचना मुनि अझै केही मजदुर पुरिएको हुन सक्ने स्थानीयवासीले आशङ्का गरेका छन्। प्रहरीले घटनाबारे छानबिनपछि मात्रै जानकारी दिने बताएको छ।कामको उचित अनुगमन नहुँदा दुर्घटना भएको स्थानीयवासी युतिनारायण यादवको आरोप छ। अर्का स्थानीय अजय कुमारले ठेकेदार कम्पनीलाई कारबाहीको माग गरे। बिहारमा पुल दुर्घटनाको यो पहिलो घटना भने होइन। यसअघि भागलपुरमा गङ्गा नदीमा निर्माण भइरहेको पुलको ठूलो हिस्सा नदीमा डुबेको थियो।

स्रोत बिबिसि नेपाली सेवा

• 
• 
• 
• • • धेरै कमेन्ट गरिएका
  • मोरङको मिक्लाजुङ गाउँपालिका वडा नं. २ मा पर्ने जंगलभित्...
  • जनकल्याण बचत तथा ऋण सहकारी सस्थाको अध्यक्षामा बोहोरा
  • वडा स्तरीय भलिवल प्रतियोगिताको उपाधि वडा नं. ७ लाई
  • पथरीमा भीम पौडेलको दादागिरी : शौचालयको मलमुत्र जनताको न...
  • समाजसेबामा अब्बल अजय अग्रबाल
  • वडा नं. २ अध्यक्ष कप फुटबल प्रतियोगिताको फाइनलमा
  • प्रदेश समानुपातिक सांसदको सूची सार्वजनिक गर्ने तयारी पा...
  • बिहारमा कोशी नदीमाथि भारतले बनाउँदै गरेको पुल भत्कियो
  • यात्रु सहायता कक्ष सन्चालन