किशाेर निराैला
असोज ६, मधुमल्ला÷ मोरङको मिक्लाजुङ गाउँपालिकामा मुटुरोग सम्बन्धी निःशुल्क स्वास्थ्य शिविर सम्पन्न भएको छ । 

मिक्लाजुङ गाउँपालिकाको व्यवस्थापन र पेन प्लस किओचको आयोजनामा सञ्चालित मुटुरोग सम्बन्धी निःशुल्क स्वास्थ्य शिविरमा एक सय ४० जनाको स्वास्थ्य परीक्षण गरिएको एम. डि. जिपी. डा. अनुपम घिमिरेले बताउनु भयोे । स्वास्थ्य शिविरमा बिरामीहरुको इसिजी र इको निःशुल्क परीक्षण गरी औषधी समेत वितरण गरिएको थियो । बिरामीहरुको इको परीक्षण कार्डीयोलोजिष्ट डा. दिपेन्द्र सिंहले गर्नु भएको थियो ।
स्वास्थ्य शिविरमा बिरामीहरुको परीक्षण डा. रोशिका बुढाथोेकी, डा. रेवीका पोख्रेल, डा. सुजा पण्डीत लगायत स्वास्थ्यकर्मीहरुको टिमले गरेको थियो । 
निःशुल्क रुपमा इसीजी, इको परीक्षण सहित आफ्नै ठाउँमा स्वास्थ्य सेवा पाउँदा खुसी लागेको स्थानीय रुद्र भण्डारीले बताउनु भयो । 
निःशुल्क स्वास्थ्य शिविर उद्घाटन कार्यक्रममा मन्तव्य राख्दै मिक्लाजुङ गाउँपालिका अध्यक्ष बबि कुमार राईले डा. भगवान कोइरालाको सहयोगमा मिक्लाजुङ गाउँपालिका र मधुमल्ला अस्पतालको समन्वयमा मुटु सम्बन्धी निःशुल्क स्वास्थ्य शिविर सञ्चालन गर्ने अवसर प्राप्त भएको बताउनु भयो । साथै मिक्लाजुङ गाउँपालिकाले सञ्चालन गरेको मुधमल्ला अस्पताल मिक्लाजुङ बासीहरुलाई गुणस्तरीय स्वास्थ्य सेवा दिन प्रतिबद्ध रहेको गाउँपालिका अध्यक्ष बबिकुमार राईले बताउनु भयो । कार्यक्रममा मिक्लाजुङ गाउँपालिका स्वस्थ्य शाखा प्रमुख चिन्तामणी पोख्रेल, अस्पताल व्यवस्थापन समितिका अध्यक्ष तथा वडा नंं. ९ का वडाध्यक्ष सेमन्तराज दाहालले स्वास्थ्य शिविरको आवश्यकता र उपयोगिताका बारे मन्तव्य राख्नु भएको थियो ।

• 
• 
• 
• • • धेरै कमेन्ट गरिएका
  • झापा सैनिक बजारमा बैशाख ९ बाट महिला गोल्डकप संचालन हुँद...
  • राष्ट्रिय बाणिज्य बैंककाे ५९ ‌‍औं वार्षिकाेत्सव
  • दुइ महिना अवधीको फुटबल खेल प्रशिक्षण शुरु
  • पन्चमी सिमसार को लागि मिक्लाजुङ मा श्रमदान
  • प्रथम मिक्लाजुङ महिला वडा स्तरीय फुटबल प्रतियोगिता हुने
  • निर्मला हत्या प्रकरणकाे अनुसन्धान गर्न पाँच सदस्यीय छान...
  • कर शिक्षा तालिम सञ्चालन हुने
  • गर्भवती र सुत्केरी महिलाहरुलाई पौष्टिक कोशेली
  • प्लम्बिङ तालिम शुरु