शिक्षकहरु द्धार पालिकमा धर्ना

NayaNaya Khabar
992 दिन अगाडि

मधुमल्ला / मोरङको मिक्लाजुङ गाउँपालिकामा कार्यरत शिक्षकहरूले नेपाल शिक्षक महासङ्घ राष्ट्रिय समितिले घोषणा गरेको प्रस्तावित शिक्षा विधेयक २०८० को विरोध जनाउँदै आइतबार मिक्लाजुङ गाउँपालिकामा ३ घण्टा धर्ना दीएकाछन । नेपाल शिक्षक महासङ्घको देशभर घोषित कार्यक्रम अन्तरगत आइतबार मिक्लाजुङ गाउँपालिकामा धर्ना दिनुका साथै ज्ञापन पत्र बुझाएको नेपाल शिक्षक महासंघ मोरङ जिल्ला सचिव प्रेम प्रकाश कोइरालाले बताउनु भयो । धर्ना कार्यक्रम नेपाल शिक्षक संघ स्थानीय कार्य समिति मिक्लाजुङ, नेपाल राष्ट्रिय शिक्षक सङ्गठन मिक्लाजुङ, एकीकृत अखिल नेपाल शिक्षक सङ्गठन मिक्लाजुङ र नेपाल विद्यालय कर्मचारी परिषद मिक्लाजुङ संयुक्त रुपमा धर्ना दीदै ज्ञापनपत्र बुझाएका थिए ।