मधुमल्ला/  मिक्लाजुङ साहित्य समाजको आयोजनामा सिर्जना अनावरण कार्यक्रमको १० ओ श्रृङखला  सम्पन्न भएको छ । बुधबार एक कार्यक्रमबीच सिर्जना अनावरणको १० औँ श्रृङ्खला मधुमल्ला पार्टीको प्यलेसमा  सम्पन्न भएको हो ।

कार्यक्रममा चार कविहरूले कविता वाचन गरेका थिए ।

प्राज्ञसमेत रहेका कवि मुनाराज शेर्माले एक पत्नीको तर्फबाट, रक्सी नपिउनु आदिवासी पहाड, सहर, यो संसारमा एक्लै हुन सक्छौ र ख्याली शीर्षकको कविता वाचन गरे ।

यसैगरी कवि सुदीप पाख्रिनले गुनासो, मावल, बोध एक, बोध एघार र नानीहरूलाई उपहार शीर्षकको कविता वाचन गरे ।

कवि सीमा आभासले प्रार्थना, पाकेटमार, चक्रवर्ती महाराजप्रति, आमाले बिद्रोह गरे के होला ? र नानीहरूलाई विद्यालय पठाएपछि शीर्षकको कविता वाचन गरेकी थिइन् ।

कार्यक्रममा कवि हेमन यात्रीले आमाको गीत एक, आमाको गीत दुई, स्वयम्भू र तिमीले बिर्सिगएको मानिस शीर्षकको कविता वाचन गरेका थिए ।

साथै, सोही कार्यक्रमको अवसर पारेर साहित्यको क्षेत्रमा योगदान पु¥याएको भन्दै कविहरूलाई सम्मानसमेत गरियो ।

साहित्यकार कृष्ण बरालको प्रमुख आतिथ्यतामा सम्पन्न कार्यक्रम संस्थाका अध्यक्ष गगन योक्पाङ्देनको अध्यक्षतामा सम्पन्न भएको थियो ।

बरालले कविताको क्षेत्रमा सग्लो परिचय बनाएका चार कविहरूलाई एउटै मञ्चमा एकैसाथ सुन्न पाउनु महत्वपूर्ण क्षण रहेको बताए ।

संस्थाले विगतदेखि नै विभिन्न साहित्यिक गतिविधि गर्दै आइरहेको र आगामी समय पनि यस्ता कार्यक्रमलाई निरन्तरता दिदैँ स्थानीय नवसर्जकहरूलाई समेत प्रोत्साहित गर्ने खालका कार्यक्रम आयोजना गर्ने अध्यक्ष योक्पाङ्देनले बताए ।

कार्यक्रममा देवान किराती, सुन्दर करुप, शिव प्रणत, टीका आत्रेय, राज माङ्लाक, लीला अनमोल, रुमानी कुलुङ, रुद्र प्रभात, टीका खड्का राष्ट्रप्रेमी, प्रज्वल पराजुली, मौलश्री लिम्बू, विशाल नाल्बो, यज्ञ परिश्रमी, किरण शिवा, पराजित पोमु, कृष्ण उदासी, सुमन राई, दीपक चम्सु, युग योगी राई, दधि अज्ञात, प्रदीप योङहाङ, तिलक राई, नयन श्रेष्ठ, लक्ष्मीप्रसाद फुयाल, रेवतीप्रसाद घिमिरे, केशव रेग्मी लगायतको उपस्थिति थियो ।

• 
• 
• 
• • • धेरै कमेन्ट गरिएका
  • सबैभन्दा पहिला रिपोर्टर हाे: पत्रकार त्यसैले उबाट टाढा...
  • विवादै विवादले घेरिएका चार्ल्स
  • श्रम स्वीकृति मिक्लाजुङ गाउँपालिकाबाट पनि हुन थाल्योः र...
  • दाउले हानेर काकाको हत्या
  • प्रयोगशाला सेवा शुभारम्भ तथा स्वास्थ्य शिबिर सम्पन्न
  • छमछम नचाए मिक्लाजुङमा तारा प्रकाशले
  • खोला कटान क्षेत्रमा तटबन्धन गरीने 
  • मिक्लाजुङको कुल बजेट ८१ करोड ६६ लाख मधुमल्ला
  • भारतसँग जोडिएका मोरङका सीमा नाका मङ्सिर १ गतेबाट बन्द ग...