मोरङ को मिक्लाजुङम पनि आजदेखि हातिपाईले रोगविरुद्ध औषधि सेवन अभियान सुरु

NayaNaya Khabar
1114 दिन अगाडि

मधुमल्ला मोरङ्को मिक्लाजुङ गाउँपालिकामा पनि आजदेखि हात्तीपाइले रोगविरुद्ध औषधि सेवन अभियान सुरु भएको छ । गाउँपालिका अध्यक्ष बबि कुमार राई उपाध्यक्ष दिनेस पाैडेल प्रमुख प्रशासकिय अधिकृत डम्बरु बल्लब बराल लगायतले औषधी सेवन गरेर अभियानको सुरवात गर्नुभएको हो मिक्लाजुङमा ९ वटै वडामा आजदेखी औषधी सेवन अभियान सुरु भएको स्वास्थ्य शाखाका प्रमुख चिन्तामणि पाेखरेलले बताउनु भयो । तालिम प्राप्त स्वास्थ्यकर्मीले पालिका र वडा कार्यालय, स्वास्थ्य संस्था, सामुदायिक भवन, विद्यालय, धार्मिक स्थल आदिमा बुथ राखी यो औषधी खुवाईनेछ ।
२५ फागुनसम्म मोरङसहित देशका ५ जिल्लामा हात्तीपाइले रोगविरुद्ध औषधी सेवन अभियान सुरु भएको हो ।

२ वर्ष मुनिका बालबालिका, गर्भवती महिला, सिकिस्त बिरामी तथा २४ घण्टा अगाडी ज्वरो आएका व्यक्तिले मात्र औषधि खान नमिल्ने अरू सबैले खान मिल्ने स्वास्थ्य शाखाले जनाएको छ । मोरङमा हरेक वर्ष हात्तीपाइले विरुद्धको अभियान चलाईएपनि अहिलेसम्म औषधि प्रयोगको अवस्था कमजोर देखिएको र हात्ती पाईले रोगका संक्रमितहरू पनि फेला परिरहेकाले १२ औं पटक अभियान सञ्चालन गरिएको हो ।

मोरङमा एक सय १२ जना हात्तीपाइले रोगका बिरामी जनस्वास्थ्य कार्यालयको सम्पर्कमा छन्। हात्तीपाइले रोग विरुद्धको औषधिले अहिलेसम्म कसैलाई कुनै हानि नगरेकोले निर्बाध औषधि सेवन गर्न र यसको प्रचारप्रसार गरी सम्पुर्णले औषधी सेवन गर्नुपर्ने प्रमुख प्रशासकिय अधिकृत बरालले बताउनुभएको छ ।