माघ ४
 राष्ट्रिय राजमार्गको मापदण्ड चौडाइ ५० मिटर हुने ब्यबस्था अनुसार मदन भन्डारी राजमार्गले छुने मोरङ क्षेत्र नं. १ अन्तरगतका नगरपालिका गाउँपालिकाले घर नक्सा पास तथा निर्माणका काममा रोक लगाउन थालेपछि स्थानीयवासीले सडक निर्माणमा अबरोध सुरु गरेका छन ।
 सडक क्षेत्रको ५० मिटर सडकको मापदण्डमा परेको र सेटब्याक ६ मिटर छोडेर घर बनाउनुपर्ने नियम जनताले थाहा पाएपछी केराबारी , लेटाङ र मिक्लाजुङका सडक क्षेत्रका करिब १ हजार घर भित्किने र धेरै परिबार बिस्थापित हुने भन्दै स्थानियहरु आन्दोलित भएका छन ।
 सडक क्षेत्रमा रहेको घरजग्गा खरिद–बिक्री गर्न र बैंकिङ कारोवारमा समस्या आउने भएपछी स्थानिय सडकबाट पिडित बनेकाहरुले कुनै हालतमा सडक बन्न नदिने बताएका हुन  ।

हालका लागि सडकको चौडाइ ५० मिटर नभए पनि सडक निर्माणसँगै त्यस क्षेत्रभित्र बैंकिङ कारोवार नहुने भएकाले स्थानीयवासी सहमत नभएको हुन । सरकारले सडक निर्माण र विस्तारका क्रममा अधिकांश स्थानमा स्थानीयवासीबाट जग्गा सित्तैमा लिने गरेको छ ।

मदन भन्डारी राजमार्गको केराबारी देखि मिक्लाजुङ सम्मको क्षेत्र सांसद सहितको टोलिले मंअगलबार अनुगमन समेत गरेको छ ।
 मोरङ क्षेत्र नं. १ का सांसद डिगबहादुर लिम्बुको संयोजनमा उर्लाबारी नगरपालिकाका प्रमुख गंगा प्रसाद खरेल , मिक्लाजुङ गाउँपालिकाका अध्यक्ष बबिकुमार राई , केराबारी गाउँपालिकाका अध्यक्ष सुमन मिरिचिङ , लेटाङ नगरपालिकाकि उपप्रमुख कृष्णकुमारी निरौला सहित उक्त क्षेत्रमा पर्ने ४ वटा पालिकाका उपप्रमुखहरु , वडा अध्यक्षहरु , प्रमुख प्रसासकिय अधिकृतहरु, आयोजनाका प्रतिनिधि सहितको टोलिले निर्माणाधिन सडकको अनुगमन गरेको हो ।
 अनुगमनका क्रममा घना बस्ती भएका ठाउँमा समस्या देखिएको भन्दै बिकल्प खोज्नुपर्ने बताउनुभयो ।
 सडकले बजार क्षेत्रमा ५ धुर १० धुर किनेर घर बनाएर बसेकाहरु पिडित भएको बताउदै सांसद लिम्बुले ठूलो क्षती रोक्न सरकारले बिकल्प खोज्नुपर्नेमा जोड दिनुभएको हो ।
 केराबारी , लेटाङ मिक्लाजुङका बजार क्षेत्रमा घर भत्किएर जनताहरु सुकुम्बासी बन्ने अवस्था आएको भन्दै बस्तीलाई जोगाएर सडक लाई डाईभर्सन गर्न सकिने बताउनुभयो । अर्को बिकल्पको रुपमा  बजार क्षेत्रलाई रास्ट्रीय राजमार्गको मापदण्ड बाट हटाई २० मिटर सम्म कायम गरेर जान सकिने समेत सांसद लिम्बुले बताउनुभयो ।

नगरपालिका तथा गाउँपालिकाका प्रमुख उपप्रमुखहरुले बस्ती जोगाउदै सडक निर्माण गर्नुपर्ने र आयोजनाले आयोजना क्षेत्रका स्थानिय तह संग गहन छलफल गर्नुपर्नेमा जोड दिनुभयो । पालिका प्रमुखहरुले जनतालाई अधिकतम फाईदा हुनेगरी सडक निर्माण गर्नुपर्नेमा जोड दिएका छन ।

• 
• 
• 
• • • धेरै कमेन्ट गरिएका
  • बक्राहा माविलाई नमुना विद्यालय बनाउन शंकर बजगाईँको पहल
  • भूमिहीनको हकमाथि राजनीति
  • कोशि प्रदेश खारेजीको माग गर्दै मोरङको मिक्लाजुङ गाउँपाल...
  • कृषक लाई बिउ बिजन बितरण
  • नेपाल कै होचो स्थानमा पर्ने "कोलुङ झर्ना" मिक्लाजुङमा !
  • अब मिक्लाजुङमा नै प्लस टु मा विज्ञान र व्यवस्थापनका विष...
  • मिक्लाजुङ गाउँपालिका कृषि शाखाको पकेट कार्यक्रम सन्चलन...
  • सार्वजनीक सुनवाई तथा योजना तर्जुमा सम्बन्धी छलफल सम्पन्...
  • उपाध्यक्ष संग जेष्ठ नागरीक स्वास्थ्य कार्यक्रम सम्पन्न