खोला कटान क्षेत्रमा तटबन्धन गरीने

NayaNaya Khabar
623 दिन अगाडि

मधुमल्ला/ मोरङको मिक्लाजुङ गाउँपालिका वडा नं. ७ को मलामीटहरा उत्तर र माथिल्लो मलामी टहरा उत्तरमा पर्ने नुनसरी खोलाले कटान गरेको क्षेत्रमा तटबन्धन गरिने भएको छ । केही दीन अगाडि आएको वर्षाले इलामको चुलाचुली गाउँपालिका वडा नं. ६ र मोरङको मिक्लाजुङ गाउँपालिका वडा नं. ७ मा पर्ने ति स्थानहरूमा तटबन्धनका लागि कार्य अगाडि बढाएको मिक्लाजुङ गाउँपालिका अध्यक्ष बबी कुमार राईले बताउनु भयो । खोलाले कटान गरेको क्षेत्रको मंगलबार मिक्लाजुङ गाउँपालिका अध्यक्ष बबी कुमार राई, वडाध्यक्षहरू खडी बहादुर मगर, बल बहादुर श्रेष्ठ वडा नं. ७ वडा सदस्य चन्द्र बहादुर राई र इन्जिनियर हसरत अली सहितको टिमले स्थलगत निरीक्षण गरेको थियो । निरीक्षणको क्रममा ति स्थानहरू अति संवेदनशिल रहेकाले प्राविधक नाप जाँच गरी तत्काल कार्य प्रारम्भ गरिने गाउँपालिका अध्यक्ष बबीकुमार राईले बताउनु भयो ।